Nagkasagupang muli ang tropa ng Army at aabot sa 9 na miyembro ng rebeldeng grupong New People’s Army madaling araw kahapon, Agosto 30 sa Brgy Guindawahan, Pio V Corpuz, Masbate.
Sa nasabing engkwentro na umbaot sa 10 minutong palitan ng putok, narekober ng tropa ng pamahalaan sa pinangyarihan ang M16 rifle, 3 pirasong magazine assemblies at bandolier.
Nagpapatuloy pa ang pursuit operations habang ang Quick Response Team (QRT) ay inalerto na.
Walang naitalang sugatan sa tropa ng gobyerno habang inaalam pa sa pangkat ng rebelde.
Ang naturang engkwentro ay pang-apat na sa lalawigan nitong buwan ng Agosto lamang.
