LEGAZPI CITY – Posibleng malagpasan ngunyan an numero kan mga nagfile nin Certificate of Candidacy para sa Barangay asin Sangguniang Kabataan Elections (BSKE) 2023 an datos kan mga nakalihis na mga eleksyon.
Ini an sinabi ni COMELEC Bico Regional Director Atty Ma. Juana Valeza sa Brigada News FM Legazpi.
Segun kay Valeza, mas dakol ngunyan an nag-file nin COC huli ta sa dakol an interesadong magdalagan.
Saro pa sa mga rason, gusto ninda ki pagbabago sa saindang mga barangay.
Haloy-haloy naman kaya na dae nagkaigwa nin election sa barangay huli kan pandemya asin nahiling ninda an nagin performance o itinaong serbisyo kan mga opisyal.
Huli kaini, nagkaigwa sinda nin ideyang magdalagan ta kadaklan su boot sa mga opisyal kulang an performance kaya kinaikaipohan na nindang palitan an nagkapira digdi.
