LEGAZPI CITY – Nagpapadagos pa sa ngunyan an imbestigasyon kan mga otoridad dapit sa panggagadan kay Alex Repato, barangay kapitan kan San Jose, Libon, Albay.
Ini an sinabi ni PLt. Armando Revale, an imbestigador kan Libon Municipal Station sa Brigada News FM Legazpi.
Dai pa su boot masasabi ngunyan kun an papaabot na eleksyon an motibo kan mga nasa likod kan nasambit na insidente.
Segun kay Revale, pighiling ninda sa COMELEC an record kan mga nag-file nin Certificate of Candidacy alagad wara man sindang nanutaran na may madalagan na kalaban kan ginadan na opisyal.
Kun magigiromduman, kan nakalihis na Lunes, pinagbabadil-gadan an opisyal sa may luwas kan harong kaini pirang oras makalihis ining mag-file kan saiyang COC.
Segun sa mga nakahiling, duwang lalaking armado an biglang nagrani kay Repato saka isinagibo an krimen.
