15,675 ka mga vials sang Sinovac vaccines para sa ‘first dose’ ang ginpadala sang Gobyerno Probinsyal kahapon (August 26, 2021) sa mga nagkalain-lain nga mga kabanwahanan kag ciudad sa bug-os nga probinsya sang Negros Occidental para sa nagapadayon nga vaccination rollout batok sa Covid-19.
Sa mga syudad nakabaton sang vaccines amo ang Sagay-1,200, Escalante-200, San Carlos-700, Victorias-1,185, Silay-1,577, Talisay-1,340, Bago-818, Himamaylan-1,000, Kabankalan-1,766 kag Sipalay-300.
Sa mga banwa, ini ginalakipan sang Manapla-250, Murcia-520, Calatrava-500, EB Magalona-602, Valladolid-350, Pulupandan-450, Pontevedra-400, Hinigaran-500, Binalbagan-500, Candoni-180 kag Ilog – 750.
Sadtong nagligad nga Miyerkules, may kabilugan nga 7,655 ka Sinovac vaccines ang napadala sang Kapitolyo sa mga nagkalain-lain nga duog sa probinsya sa diin 4,928 ang tigayon nga nabakuna samtang 2,727 ang wala magamit.
Ini nagakahulugan nga ang utilization percentage sang Miyerkules nga vaccination rollout nagdangat sa 64.38 porciento. Ang amo nga vaccines ang kabahin sang 80,000 nga Sinovac nga ginpadala sang gobyerno nasyonal para sa probinsya.
