Kinumpirma ni Philippine Amusement and Gaming Corporation (PAGCOR) chairman Andrea Domingo na tinanggal na ni Pangulong Rodrigo Duterte ang tatlong taong ban sa pagpasok ng mga bagong casino sa bansa.
Ang tinutukoy ni Domingo ay ang anunsyo ng Pangulo noong Huwebes na pinapayagan na muli nito ang mga casino sa Boracay dahil nagkukulang na umano sa pondo ang gobyerno.
Matatandaan na ipinag-utos ng Pangulo noong February 2018 na ipagbawal na ang pagpasok at paggawa ng casino sa Pilipinas upang maiwasan ang oversupply, kasunod nito ang pagbatikos niya sa mga opisyal ng Nayong Pilipino Foundation sa pagpayag nito sa mga gambling franchise.
Matatandaan na noong Hulyo ang pagpabor ng Pangulo sa paglikom ng pondo ng gobyerno mula sa Philippine Offshore Gaming Corporations (POGO) at mga casino.
