Ginkumpirma it Department of Social Welfare and Development (DSWD) nga posibleng bukon it tanan nga mga estudyante nga nag-apply sa educational assistance hay makabaton it cash aid.
Sa presente, nagaabot eun sa 2 million ro applications para sa programa pero 20% eang o 400,000 ka mga estudyante ro pwede nga ma-cover it ₱1.5-billion nga pondo it programa.
Pagsapinal pa it taeatapan, indi kunta mag-eain it buot ro mga estudyante ag mga ginikanan kung indi sanda mataw-an it cash aid.
Sa Western Visayas, naka-release eun it kabieogan nga ₱649 million nga pondo ro DSWD para sa 257,285 ka mga estudyante./JIL B. LACSON
