Nagnaba ro numero it krimen sa Western Visayas sa una nga walo ka buean it dag-on ngara kumpara ku dag-on 2021.
Base sa pahayag it Police Regional Office 6, halin sa 7, 924 cases ku nagtaliwan nga dag-on nagnaba raya sa 7, 045 makarang 2022.
Nakasaad man sa Peace and Order indicator nga umaabot sa 11.09% ro decrease it crime rate o katumbas it 879 incidents.
Sa kumpirmasyon pa ni Pol. Lt. Col. Arnel Solis, spokesperson it Police Regional Office 6, ro pagnaba it krimen sa rehiyon hay bangud sa mahugot nga pagsubaybay it mga kapulisan, mga force multipliers, ag local government units para sa kampanya kuntra sa kriminalidad./JIL B. LACSON
