LEGAZPI CITY – Dae na nakadulag pa sa mga awtoridad an sarong driver makalihis madakop sa isinagibong drug buy bust operation sa P2 Barangay Iraya banwaan nin Guinobatan.
Segun sa report kan pulisya, hapon kan isagibo kan Guinobatan MPS, kasabay an Albay 1st PMFC sa pakikipagtabangan sa PDEA ROV, kun sain nadakop an suspek na pigbistong si alyas Wal, 43 anyos, residente kan P2 Barangay Lomacao kan nasambit banwaan. An suspek, kuminagat sa paon makalihis pabakalan an poseur buyer asin kan magkaabutan na nin drug items asin kwarta nin buy bust money digidi na inaresto an suspek.
Narekober pa sa saiya an 5 pidaso plastic sachet na pinagtutubudang shabu na may gabat na poko o mas menus 4 gramo asin nagkakantidad nin labi P20K.
Pangapodan man kan Hepe kan Guinobatan MPS na ipondo na an paggamit asin pagpapabakal nin illegal na droga sa banwaan nganing wara nang kajovenesan an maimbwelto sa paggamit nin illegal na droga sa Albay.
