LEGAZPI CITY – Sarong 22-anyos na lalaki an nakuang gadan sa kadagatan na sakop kan Barangay Puro Legazpi City. Pigmidbid an biktimang si John David Masayda, 22 anyos residente kan Barangay Namantao Daraga, Albay.
Sa pakikipag-olay kan Brigada News FM Legazpi sa Legazpi City Police Station (CPS), basado subuot sa report na ipinaabot sainda kasuhapon, pasado alas 12 subuot nin hapon kan magkararigos ini sa nasambit na biktima kaiba an tulong (3) menor de edad pag-iririba edad 13, 12, asin 11 anyos.
Dai subuot aram kan mga kairiba na dai man tatao maglangoy si Masayda. Nagmangno na sana subuot sinda na wara na an biktima kun kaya tulos an mga ining nag report sa hepatura kan Legazpi CPS pasado ala 1:30 na nin pagkahapon.
Tulos man subuot na nagsagibo nin Search and Retrieval Operation an PNP Maritime, Philippine Coastguard, Legazpi CPS, asin Integrated Coastal Resource Management (ICRM) Legazpi alas singko kasuhapon, alagad ngonian na pagkaaga na narekober an lawas kan nasambit na biktima.
