-Reymund Titong
KABANKALAN CITY, Negros Occidental — Sa 15 tanan nga barangay sang banwa sang Ilog sa sur nga bahin sang Negros Occidental, ang Barangay sang Pinggot ang may pinakamataas nga porsyento nga may magluntad nga landslide bangud sang tuman nga pag-ulan.
Sa risk analysis nga ginpatigayon sang Brigada News FM-Kabankalan, halos 75.2% sang mga lugar sa Pinggot ang ‘highly susceptible’ may dako nga posibilidad nga may magluntad nga landslide ukon pagkatiphag sang duta.
Magluwas sa Pinggot, apat pa gid ka barangay sa Ilog ang yara man sa idalum sang “highly susceptible’ category, lakip na ang Balicotoc sa diin 11.9% sa ila lugar ang may posibilidad nga may magluntad nga landslide, Dancalan nga may 9.6% kag Galicia nga may 3.3% sang ila lugar nga posibli ma tiphag.
Sa kabug-usan, 2.4% sang mga barangay sang banwa ang highly susceptible sa landslide, 23.9% naman ang yara sa moderately susceptible, 36.1% ang lowly susceptible, kag 37.6% naman nga mga lugar ang wala tsansa may mgaluntad nga pagtiphag sang duta.*
READ: Siyam ka barangay sang Kabankalan, “highly susceptible” sa landslide
Note: Ang ini nga datus ang base sa impormasyon nga nabalhag sa GeoRiskPH database gikan sa nagakalain-lain nga ahensya sang gobyerno nga nagabantay sa pagbaha, linog, kag iban pa.*
