Inanunsyo ng Department of Transportation (DOTr) na extended ang libreng sakay sa MRT-3 hanggang ika-30 ng Mayo ngayong taon simula 4:40 ng umaga hanggang 10:10 ng gabi.
Layunin ng programa na patuloy na tulungan ang ating mga kababayan na labis na naapektuhan ng pagtaas ng mga pangunahing bilihin at petrolyo.
Matatandaang nagsimula ang naturang serbisyo noong ika-28 ng Marso na nakatakda sanang magtapos ngayong Sabado, ika-30 ng Abril.
Samantala, umabot na sa 7,227,434 ang mga pasaherong nakaranas ng nasabing programa ng pamahalaan. || ARGIE ERGINA
