Ginbatikos ni Tourism secretary Bernadette Romulo-Puyat ro natabo nga tourist overcrowding sa Boracay Island sa Malay, Aklan sa kasagsagasan it selebrasyon it Holy Week.
Dugang pa nana, bukon segun it tama ro natabo bangud lumampas sa ginarekomenda nga daily threshold nga 19,215 katawo ro kabieogan nga numero it turista nga nagbisita sa sikat nga tourist attraction.
Kasunod kara, ginamdu nana nga mag-esplikar ro Alkalde it Malay sa natabo.
Ginkumbinse pa it secretary ro Department of Interior and Local Government ag Department of Environment and Natural Resources nga amghimo it nakaigo nga aksyon kuntra sa lokal nga gobyerno it Malay.
Bilang sabat, ginhambae ni Interior secretary Eduardo Año sa sambilog ka pahayag nga mapaguwa sanda it advisory ag paandam sa Malay LGU angot sa natabo./JIL B. LACSON
