Tiniyak ni reigning WBC world bantamweight champion Nonito Donaire Jr. na tatalunin niya si IBF world bantamweight champion Naoya Inoue sa ikalawa nilang paghaharap sa darating na June 7 sa Super Arena sa Saitama, Japan.
Unang nagharap sina Donaire (42-6, 28 KOs) at Inoue (22-0, 19 KOs) sa ibabaw ng ring noong 2019, kung saan nasungkit ng Japanese superstar ang panalo via unanimous decision.
“Our first fight was brutal and amazing, it was a classic, but the rematch is going to be even better. I am heading into this monumental fight with a new mindset because the first contest with Inoue was an awakening for me and I now know I can defeat him,” ayon kay Donaire .
Si Donaire, 39, ay galing sa back-to-back wins via knockout laba kina Nordine Oubaali at sa kapwa Pinoy fighter na si Reymart Gaballo.
Kasalukuyang nagsasanay na ang ‘Filipino Flash’ sa Japan kasama ang kanyang asawa at manager na si Rachel.
“June 7, in Japan, is going to be a special evening for the sport, and make no mistake, it will end in a Donaire victory,” dagdag pa nito.
