Iginiit ng Department of Justice na hindi pa rin lusot sa imbestigasyon sa tatlong barkong lumubog sa Bataan ang ilang opisyal at tauhan ng Philippine Coast Guard at Maritime Industry Authority.
Ayon kay DOJ Usec. Raul Vasquez, iimbestigahan pa ng National Bureau of Investigation ang pananagutan ng PCG at MARINA kaugnay sa paglubog ng MT Terra Nova, MV Mirola, MT Jason Bradley.
Kailangan aniya ipaliwanag ng PCG at MARINA kung paano napadpad sa Mariveles ang MV Mirola na nakaangkla sa lugar na wala namang makina.
Tiniyak naman ni Vasquez, na pagbabayarin ng kompensasyon ang mga responsible sa oil sill sa Bataan, Batangas, at Cavite.
