Hindi magrerekomenda ang Department of Health o DOH na magpatupad ng border control, pagbabalik ng mandatory na pagsusuot ng facemask at muling pagbababakuna sa kabila ng pagtaas ng COVID cases sa Singapore.
Sa isang press briefing sa Malacañang, sinabi ni Health Secretary Ted Herbosa na ang FliRT variant na naitala sa Singapore ay itinuturing pa lamang na variant under monitoring at hindi variant of concern.
Sa ngayon minomonitor na rin ng DOH sa sitwasyon ng COVID cases sa bansa, at inatasan ang mga hospital na i-report sa kanila ang bilang ng mga nagpapa-
antigen testing.
Gayunpaman, inirerekomenda ng DOH na sundin ang personal minimum public health standard.
Kasama dito ang pananatili sa bahay kung may ubo at sore throat, at kung kinakailangang lumabas, mainam na magsuot ng facemask.
