Nag-isyu ng bagong guidelines ang pamahalaan para sa mpox.
Batay sa Department Memorandum No. 2024-0306 ng Department of Health (DOH), na nilagdaan ni Health Secretary Ted Herbosa – lahat ng mga indibidwal ay dapat sumunod sa standard minimum precautions upang maiwasan ang naturang sakit.
Ipinag-uutos ngayon ng DOH na:
- Iwasan ang close, intimate, at skin-to-skin contact gaya ng sexual contact at yakapan;
- Ugaliin ang madalas at tamang hand hygiene gamit ang alcohol;
- Tiyaking ang mga bagay at lugar na suspected na nahawakan o nakontamina ng virus ay nalinis at na-disinfect nang maayos;
- at iwasan ang contact sa mga hayop na posibleng may dala ng virus gaya na lamang ng mga hayop na nasa area kung saan may mpox.
Maliban dito, lahat naman ng mga healthcare workers ay dapat i-observe ang “high index of suspicion for mpox” sa pag-evaluate ng mga taong may rashes, mucosal lesions at iba pa.
Abiso ng ahensya na agad ipaalam sa DOH ang anumang suspect, probable, o confirmed mpox case sa loob ng 24 oras.
