LEGAZPI CITY – Padagos an pag-enganyar kan Department of Health (DOH) Bicol sa publiko na bumisita sa saindang DOH Job fair 2024 ngunyan na huring aldaw kaini.
Ini an pigheras ni Administrative Officer Maria Salve Khemlani orog na para sa mga interesadong aplikante huli ta dakol na job offerings an abilable digdi arog kan para sa mga doctor, nurse, psychologist, information officer, admin assistant, accountant, technician, asin kadakol pang iba.
Mientrastanto, 36 na bakanteng posisyon an bukas sa Bicol Hospital Regional Medical Center, 24 sa Malinao Treatment and Rebilitation Center, 11 sa Bicol Medical Center asin duwa sa DOH Bicol Center for Health and Development.
Sa ngunyan, an tulong aldaw na job fair kan ahensya an parte kan saindang ika-126 na taong anibersaryo.
