GINAPAHIBALO sa DILG Gensan nga nahuman na ang gitakda nga petsa alang sa aplikasyon sa pagka contact tracers samtang Agusto 25 ang lugway alang sa pagduso sa mga rekositos sa mga gipahibalo nga mo- submit sa requirements.
Sumala kay DILG Director Relimin Sandoval ang quota sa mga contact tracers sa Gensan anaa sa usa ka gatus ug moserbisyo sa managlahi nga Rural Health Units.
Gidugang ni Sandoval nga kaniadtong Enero 2021 anaa lang sa 60 ang quota sa Gensan, ang uban na-hire pag-usab samtang ang uban nakakita og laing trabaho.
Usa matud pa sa tumong niini mao ang dugang personahe nga mag serbisyo sa tracing unya ang paghatag trabaho sa gobyerno sa uban nga nawad-an og trabaho gumikan sa pandemya.
Gidugang ni Sandoval nga dili man perpekto ang tanan ug adunay mga proseso, aduna usab silay nasinatian nga mga ginagmay nga kakulian gumikan sa proseso kay nagadependi usab sila sa pondo. ( Ever Diazon)
Photo file: LGU-Gensan
