Nagbabala ang Department of Foreign Affairs (DFA) laban sa ipinakakalat na balita ng China na ‘di umano’y mayroong ngang naging phone call sa pagitan ng China at ng AFP-Western Command (WESCOM).
Sa isang pahayag, idiniin ng DFA na hindi dapat tayo basta-basta nahuhulog sa mga ‘false narratives’.
Anila, ang mga ganitong uri ng taktika ay nagpapakita lang ng layuning guluhin, paghati-hatiin, at lituhin ang Philippine agencies at ang mismong mga Pilipino.
Kung maaalala – sinabi ni Defense Sec. Gibo Teodoro na ipauubaya niya na sa DFA ang imbestigasyon hinggil sa isyu.
Para naman sa Philippine Navy – sinabi ni Commo Roy Vincent Trinidad na ‘di na dapat pang itong pansinin pa at paglaanan ng oras.
