Nagtala ang Department of Education (DepEd) ng milyon-milyong estudyanteng nag-enroll sa mga pampublikong paaralan para sa papalapit na School Year 2023 -2024.
Ayon sa Learner Information System (LIS) Quick Count ng ahensya, mayroon ng 11,820,159 enrollees, na ang malaking pursyento nito ay naninirahan sa National Capital Region (NCR).
Sinundan naman ito ng Region IV-A o CALABARZON at Region III o Central Luzon.
Nagpaalala naman ang DepEd sa mga magulang, tagapangalaga, at mag-aaral na matatagal ang enrollment period hanggang ika-26 ng Agosto upang bigyan ng palugit ang pagbubukas ng klase sa ika-29 ng Agosto.
