DAGHANG pamaagi nga ma-enroll ang mga kabataan alang sa pag-abli sa klase sa Agosto 22 ning tuiga.
Kini ang gibutyag ni DepEd GenSan Schools Division Superintendent Romelito Flores nga mahimong moadto sa tulunghaan nga gusto sa bata, mahimo usab sa online, anaa usab ang pagbutang nila og enrollment booth sa mga mall.
Gawas niini, ginaawhag ni Flores ang mga tulunghaan magpahigayon og enrollment on wheels.
Sa karon nga abli sa klase, ginalauman gihapon ni Flores nga 100 percent o lampas pa ang mahimong enrollees subay sa nahitabo niadtong 2020- 2021.
Nagpahigayon na usab ang DepEd GenSan og Division Management Committee Meeting asa gipatawag school heads sa public secondary and elementary schools apil ang senior high school aron hisgutan ang mga buhaton, mga plano ug i-discuss ang DepEd order number 34 aron mahimong managsama lang ang ilang direksyon nga ipatuman sa Deped GenSan.
Giangkon usab ni Flores nga lakip sa ilang ginatutukan ang pagpahigayon og full face to face classes sa Nobyembre 2.
Kung mahitabo matud pa ang face to face classes, sutaon nila ang sitwasyon sa tulunghaan apan lisod mapatuman matud pa kini kung may 1 meter social distancing. Samtang giawhag ni Flores ang mga stakeholders alang sa umaabot nga Brigada Eskwela nga magsugod sa Agusto 1.
