GIPASALIG karon ni Provincial Health Officer Dr.Arvin Alejandro sa Sarangani Province nga wala nay makasinati og stunting o kulang sa gitas-on tungod sa malnutrisyon sa mga kabataan sa probinsya.
Kini tungod sa plano sa provincial government nga palambuon ang
nutrition intervention nga makapadugang sa income sa mga mag-uuma ug sa pagpugong sa bag-ong mga kaso sa malnutrition.
Nakig-alayun na ang Provincial Health Office sa Zuellig Family Foundation Zero Extreme Poverty, Mahintana Foundation, ug Hapag-Asa aron makab-ot ang maong tumong.
Gipasalig ni Dr.Alejandro pinaagi sa vision alang sa nutrisyon sa mahimsog ug malig-on nga Sarangans, wala nay mga stunted nga kabataan sa 2025.
Kaniadtong 2015, ang Sarangani Province ang nahimong ikatulo sa tibuok nasud nga may stunting o wala maayo ang pagtubo sa 25 gikan sa100 ka mga malnourished nga bata.
Sa pagkahuman sa 2021, ang probinsya anaa na sa top 10 sa Region 12.
Gikan niadtong Enero 1 hangtud Mayo 15, 2022, gibutyag ni Dr. Alejandro ang maong ihap sa malnutrition ang mikunhod sa 4,200 ka mga bata edad zero hangtud 5 months gikan sa 5,226 babies kaniadto 2021.
