ANAA sa gibanabanaang P650 million ang kinahanglan sa LGU-GenSan aron matukod ang bag-ong city hall sa dakbayan.
Kini segun pa sa nahisgutan nilang Mayor Lorelie Pacquiao ug Engr. Emerald Signar, labaw sa City Engineers Office.
Segun pa ni Signar nga 6-storey building ang design sa planong bag-ong city hall ug sa inisyal nga plano, ipabilin ang daan nga city hall ug ang tukuran ang parking area sa wala ug tuo nga bahin sa maong gambalay.
Sa karon wala pay desenyo nga naandam apan plano matud pa ni Engr.Signar nga magpahigayon og design competition sa architect nga mga estudyante nga naga-practirum sa City Engineers Office aron nga makahimo og usa ka nindot nga desenyo sa city hall.
Wala pa usab matud pa masuta kung asa kuhaon ang pondo nga alang sa maong proyekto.
Apan gibutyag nga usa matud pa kini sa mga priority project sa Pacquiao
Administration.
