LEZO, AKLAN — Arestado ro daywa katawo matapos madakpan nga nagahampang it ‘tong-its’ sa sangka nipa haus sa Brgy. Bugasungan, Lezo, Aklan.
Ginkilaea ro mga inarestong sanday Darrie Pelayo 59yo ag Jene Dayot 59yo, samtang nakatakas man ro sambilog nanda nga kaibahan nga si Rosele Kalipayan 20yo nga eumumpat sa bintana.
Sa interview it Brigada News FM Kalibo sa Lezo PNP, may nagreport kanda nga may nagahampang it tong-its sa nasambit nga lugar rasun nga insigida nanda raya nga inagtunan ag nadakpan ro mga suspek.
Nakarekober man ro mga kapulisan it baraha ag kwarta nga nagabalor it 63 pesos.
Sa makarun hay kulong eon ro daywa ka suspek ag posibleng magapangatubang sa kasong pag eabag sa PD 1602 o Anti-Illegal Gambling Laws. / ANN DESLENE SALAZAR
