Dili na mahinayon ang paglakip sa ipatumang face to face classes sa girekomenda sa Davao City Anti-Covid Task Force nga lima ka tulunghaan dinhi sa syudad nga magsugod karong Nobyembre 15, 2021.
Kini human wala kini tugti sa Department of Education (DepEd). Ang lima ka tulunghaan gilangkuban sa Dalagdag National High School, G. Tajo National High School, Saloy National High School, Mabuhay Elementary School ug Gumitan Elementary School nga mao sab ang girekomenda sa Davao City LGU.
Kahinumdoman nga ang mga estudyante nga nag edad 12 hangtod 17 anyos ang una ng gipangayoan og pagtugot sa City Government of Davao ngadto sa Department of Health Davao Region aron malakip sa nahisgutang face-to-face classes sa syudad.
Subay sa ulahing datus sa Department of Education, anaa sa 638 nga ihap ang na nominate nga mga tulunghaan, 59 ang mipasar sa assestment sa DepEd alang sa face to face classes apan wala nalakip ang 5 ka skwelahan sa dinhi sa syudad.
