Kinumpirma ni National Disaster Risk Reduction and Management Council (NDRRMC) spokesman Mark Timbal na may report silang natanggap kaugnay sa sinasabing casualty matapos ang landslide sa La Tirinidad Benguet kagabi bunsod ng malakas na buhos ng ulan dahil sa bagyong Maring.
Ayon kay Timbal sa inisyal na impormasyon na kanilang natanggap tatlo ang nasawi sa pagguho ng lupa habang dalawa pa ang patuloy na pinaghahanap.
Nilinaw naman ni Timbal na patuloy pa nilang binibirepika ang naturang ulat.
Maliban dito marami din umanong mga indibidwal ang na-stranded sa La Trinidad matapos pansamantalang isara ng LGU ang ilang kalsada na prone sa land slide.
Tiniyak naman ng NDRRMC na nagpapatuloy ang search and rescue operations sa mga lugar na naapektuhan ng kalamidad.
