Nagpadala na og tabang sa Zamboanga City ang City Government of Davao pinaagi sa unom ka mga doktor nga motabang sa pag-atiman sa mga nakaluwas sa duguong C130 mishap sa Sulu sa miaging Domingo.
Sumala kang Davao City Mayor Sara Duterte-Carpio, ang maong mga doktor gikan sa Southern Philippines Medical Center nga nipadayag sa ilang kagustuhan nga motabang sa mga sundalong biktima sa trahedya.
Una nang nagpadagat og pahasubo ang lokal nga panggamhanan ngadto sa mga biktima og nahibiling pamilya sa 47 ka sundalo ug tulo ka sibilyan nga nakabsan sa pagkahagsa sa abyon ug naka-half mast na usab ang bandila sa City Hall isip paghatag og pagyukbo sa mga nitaliwan.
Kahibaluang padayon pang giatiman ang anaa sa 49 ka mga sundalong survivor sa nagkadaiyang ospital sa Western Mindanao samtang ang mga kabanay sa mga namatay ang gianam-anam na sa pagpahibalo.
Kagahapon gitapos na sa otoridad ang gihimong rescue ug retreival operation sa C130 plane crash. BNFM-DAVAO
