Arestado sa probinsya kang Antique ang darwa ka indibidwal nga lakip sa most wanted list sa rehiyon sais.
Dya ang ginkilala kang mga kapulisan nga sanday alyas Jefvic, 24 anyos, kag residente kang Brgy. Semirara, Caluya kag ginakabig Top 6 Most Wanted Person sa Rehiyon, kag Antonio, 69 anyos, kang Brgy. Alojipan, Culasi.
Si Jefvic ang ginaakusahan kang darwa ka counts kang rape kag gin-aresto kang Agosto 9, las-12 sa adlawon sa giin dya ang paagi man sa gahum kang warrant of arrest nga ginpanaog ni Judge Josefina Muego kang Agosto 5 sa diin dya ang wara kang may ginarekomenda nga pyansa.
Samtang, si Antonio naman ang gin-aresto kang Agosto 10 para sa kaso nga murder sa diin dya man ang wara kang pyansa.
Ginpanginbulahan naman ni Brigadier General Jack Wanky ang trackers team bangud sa pagtul-id sa ginapahamtangan kang mga suspek.
Ang darwa ka mga suspetsado ang lakip sa 36 ka mga wanted persons nga naaresto sa darwa ka adlaw nga manhunt operation kang nagkalain-lain nga units kang Police Regional Office 6 sa diin 8 dya ang ginakabig Most Wanted Person, kag 28 ang na-classify bilang other wanted person.
