GIRONDA sa kapulisan ang balay sa gikonsidera nilang person of interest (POI) sa kaso pagpamusil-patay sa pulis.
Sa report sa Lagao Police Station, alas-8:05 sa buntag bitbit ang search warrant gikan sa korte gisulod nila ang balay ni Mohammad Isa sa usa ka subdibisyon sa Barangay Baluan GenSan.
Tumong sa kapulisan sa pagpangronda mao ang makita ang pusil nga posibleng gigamit sa pagpamusil-patay kang patrolman Jobert Moremonte atong Domingo sa kadlawon.
Apan nag-negatibo ang maong operasyon, human wala’y naabtan na ug mga gamit ang raiding team.
Nagdumili sa paghatag og recorded statement si Police Major Ari Noel Cardos, hepe sa presinto apan gikumpirma niya nga negatibo ang resulta sa ilang operasyon. Una nang, migula sa imbestigasyon sa kapulisan nga si Isa ang POI sa kaso sa pagpatay sa pulis.
Sa pakighinabi usab kang Isa, hugot niining gihimakak nga dunay siya’y kasayoran sa krimen. I Richel Gubalani
