Arestado sa ikinasang entrapment operation ng Criminal Investigation and Detection Group o CIDG-Pampanga, ang dalawang lalaki na sinasabing sangkot sa pagbebenta ng mga karne ng aso sa bayan ng Candaba.
Nag ugat ang operasyon matapos ang ipinaabot na impormasyon ng Animal Kingdom Foundation o AKF hinggil sa ilegal na gawain ng mga naarestong suspek.
Na-rescue naman ng mga otoridad ang 6 na AsPin, na itinurn-over ang pangangalaga sa AKF.
Nahaharap ang mga suspek sa kasong paglabag sa RA 8485 as amended by RA 10361 o ang The Animal Welfare Act of 2017.
