Umabot na sa isandaan at dalawa ang miyembro ng Lakas-Christian Muslim Democrats sa Kamara.
Ito’y matapos manumpa bilang bagong mga miyembro sina Manila Third District Representative Joel Chua at Isabela Second District Representative Ed Christopher Go.
Ayon kay Lakas-CMD President at House Speaker Martin Romualdez, kabahagi sina Chua at Go ng mga prinsipyo at adhikain ng partido para sa kapakanan ng mamamayan.
Ang patuloy na pagdami ng mga kasapi ng Lakas-CMD ay nangangahulugan aniya ng mas malawak na suporta sa Kamara para sa administrasyon ni Pangulong Bongbong Marcos.
Bukod sa mga kongresista, marami na ring lokal na opisyal ang nagiging kasapi ng Lakas-CMD.
Pinakabago rito ang alkalde at bise-alkalde at isang konsehal ng Mexico, Pampanga na nanumpa rin kay Speaker Romualdez.
