Masayang ibinalita sa Senado ni Senate Blue Ribbon Committee, Chairperson, Senadora Pia Cayetano na kinatigan na ng Korte Suprema ang Food and Drug Administration (FDA).
Ito ay matapos ang mahigit labinglimang taon na pagkampanya ng anti-tobacco campaign sa bansa.
Lumalabas kase sa desisyon ng Korte na tinanggihan nito ang inihaing motion for reconsideration ng Philippine Tobacco Institute (PTI) kung kaya’t may kapangyarihan na ang FDA upang maging regulatory body nito.
Ayon kay Cayetano, kung tutuusin, makikita sa internet na ang mga kabataan ang target ng mga tobacco products tulad ng vape na siyang naglalabas ng vapor na may kapareho pa rin namang masamang epekto sa katawan.
Kasunod nito, umaasa ang senadora na susuportahan ng mga senador ang isusumite niyang committee report hinggil dito na naglalayong magrekomenda ng batas ipang maiwasan ang anumang sakit.
Dagdag pa niya, kung tunay na itinataguyod ng bansa ang kalusugan ay hindi ito dapat magsilbing tirahan ng mga tobacco industries.
