Presente nga nagabahoe ro numero it mga residente nga nagakontra sa ginpatindog nga crematorium sa Numancia, Aklan.
Matandaan nga ginpatindog ro nasambitan nga pasilidad para mataw-an it access ro publiko para sa cremation services.
Sambilog ka grupo it mga residente ro nagpangayo it interbensyon sa mga lokal nga opisyal sa Numancia agud mapahayag ro andang mga pananaw sa mga plano sa crematorium.
Nanidugan si Lucy Hindrana, presidente it Kilusan Kontra Crematorium, nga ro mga ginpirmahan nga petition letter nga nagakontra sa pagpatindog it crematorium hay ginpadaea eun sa Sangguniang Bayan it Numancia, Office of the Mayor, Municipal Engineering Office, Municipal Planning and Development Office ag barangay captain it Badio.
Masobra 700 residente ro nagpirma sa petisyon kuntra sa pag butang it crematorium sa sambilog ka residential area it Barangay Badio. Nagapdayon sanda nga bukon it kumbinsido nga ro sambilog ka crematorium sa lokasyon hay indi makatuga it kasamaran sa palibot .
“May posibilidad nga ro COVID-19 virus hay pwede nga magtagas halin sa crematorium nga makatuga it problema sa eawas bukon eamang sa mga residente it Badio, Numancia, Aklan kundi sa tanan nga Numancianon,” base sa petisyon.
Sa presente, operational eun ro nasmbitan nga crematorium./JIL B. LACSON
