MOKANAOG na sa kadagatang bahin sa Sarangani Bay ang crocodile experts sa Pilipinas.
Dungan sa sightings sa buaya sa kadagatang bahin sa Malapatan, Sarangani Province ug Barangay Buayan, GenSan.
Miabot ang mga miyembro Crocodylus Porosus Philippines Inc. (CPPI) gikan sa kaulohan gahapon ug gilayong nagpahigayon og workshop kauban ang mga environmental authorities sa rehiyon.
Una nang, gibutyag ni Atty. Felix Alicer, regional executive director sa Department of Environmental and Natural Resources (DENR) 12 nga sutaon sa CPPI kung dunay natural habitat o nag-migrate ang nakitang buaya.
Kahibaloan nga miapela sa otoridad ang mga residente sa Purok Minanga, Barangay Buayan GenSan nga aksyonan na ang hitabo.
Tungod naghatag og kahadlok sa mga residente duol sa baybayon ug bukana ang sightings sa buaya. I Richel Gubalani
