KALIBO, AKLAN—Eampas 10,000 eon do kumpirmadong kaso it coronavirus disease 2019 (COVID-19) sa bilog nga probinsya it Aklan.
Sandig sa datos nga ginpaguwa it Aklan Provincial Epidemiology and Surveillance Unit, nadugangan it 140 do panibag-ong kaso maghalin sa 339 nga ginpaidaeom sa testing rasun agud nga sumaka 10,067 do total confirmed cases sa Aklan.
Sa nasambit nga bag-ong kaso, napanguna gihapon do banwa it Kalibo na may una nga 44, Malay nga may 40 news cases, Numancia (31), Tangalan (10) ag owa man it nailistang bag-ong kaso do mga banwa it Ibajay, Balete, Buruanga ag Nabas.
Samtang, 126 man do nailistang bag-ong recoveries ag sambilog do nagdugang sa
COVID-19 related deaths nga nagaabot eon sa makarun sa 242. // SHERRY ANNE REUNIR-VIDAL
