Madinageag-on nga nga gin unga it sangka nanay ru conjoined twins pina agi sa caesarean section sa Dr. Rafael S. Tombukon Memorial Hospital.
Nakilaea ru nanay nga si Donna Sabsalon, sa legal nga edad ag residente it Brgy. Naasog, Malay, Aklan.
Tuman ka kibot it doctor nga nag pa unga sa nanay matapos makita nga magka dikit ru eawas it kambal nga eapsag.
Suno sa doctor, kinahangean nga ma operahan ru kambal agud maging normal ag maisalbar ru kabuhi.
Samtang, aminado ru nanay it conjoined twins nga gin sunod nana ru pre-natal check-up rason nga nagkangawa imaw sa naging resulta sa pag-unga sa kambal.
Samtang, padayon pa sa makaron nga naka confine sa NICU ward it Aklan Provincial Hospital ru conjoined twins.//MARIVIC Y. ILIN
