Naaresto sa manhunt operation sa probinsya it Aklan ru sangka 43 anyos nga Top6 Most Wanted person Provincial Level sa San Jose Occidental Mindoro nga may kasong Incestuous Multiple Rape.
Nakilaea ru akusado nga si Tammy Sobiano it Sitio Agbatu-an Brgy. Oyang, Libacao, Aklan.
Gin serbe ru warrant of arrest it gin sanib nga pwersa it Libacao Municipal Police Station sa pag pamuno ni OIC Chief Police MAJ Jose Marlon Murallo, 1st Aklan Provincial Mobile Force Company sa pag pamuno ni POL LT COL Rogelio Tumagtang ag San Jose Municipal Police Statin it San Jose Occidental Mindoro.
Permado ru warrant of arrest ni Jose S. Jacinto, Jr., Presiding Judge, Regional Trial Court Fourth Judicial Region Branch 45 nga may petsang August 25, 2015.
May kasong Incestuous Multiple Rape in relation to Republic Act 7610 nga may criminal case number R-8397 ru akusado.
Uwa it pyansang gin taeana it korte para sa temporaryong kahilwayan it akusado.
Kulong sa makaron si Sobiano sa Libacao Municipal Police Station ag nakataeana iga turn-over sa korte.//MARIVIC Y. ILIN
