Pinaghahandaan na raw ng Commission on Elections (COMELEC) ang komento nito sa petisyong pagpapawalang-bisa sa kontrata kasama ang Miru System Company Limited ni dating Caloocan City Representative Edgar Erice.
Ayon kay COMELEC Chair George Erwin Garcia, susunod naman sila sa ipinag-utos ng SUpreme Court na tumugon sa loob ng 10 araw.
Kasabay nito, nanindigan si Garcia na wala itinatago ang Comelec sa naging kontrata nila ng Miru, at sumunod sila sa Procurement Law.
Pagtitiyak naman ng opisyal na hindi maaapektuhan ng petisyon ang paghahanda nila sa 2025 elections.
