Muling idiniin ni Commission on Elections (COMELEC) Chairman George Garcia na bukas siya sa imbestigasyon sa gitna ng mga ibinabatong alegasyon sa kanya ni Cong. Rodante Marcoleta kaugnay ang mga offshore accounts.
Ayon kay Garcia, wine-welcome niya ang anumang imbestigasyon hinggil dito.
Gaya aniya ng nabanggit niya sa unang press conference, nag-isyu na siya ng sworn affidavit of Denial, at mga sworn waivers sa lahat ng mga accounts at properties.
Na-authorize na rin umano niya ang NBI at AMLC para imbestigahan ang ‘truthfulness’ ng alegasyon.
Aniya, ang mga nasabing dokumento ay naisumite niya na.
Sa huli, sinabi ni Garcia na umaasa siyang ang mga alegasyong ipinupukol sa kanya ay ‘made under oath’ para pantay lang sila.
