Aminado ang Commission on Elections (COMELEC) na mahihirapan talaga ang ahensya kung may biglaang ipapasok na mga gawain, sa gitna ng kanilang paghahanda sa iba’t ibang aktibidad.
Ito ay kaugnay ng ilang mga hakbang na pinaghahandaan ng Comelec, gayundin ang isinusulong na pag-amyenda sa Konstitusyon kung saan nakaatas sa kanila ang malaking bahagi ng verification process.
Ayon kay Comelec Chairman George Garcia, punong-puno na ang kanilang pinggan dahil sa dami ng trabaho.
Maliban dito ay may mga nilalatag ding proytekto ang komisyon para sa mga OFWs.
Mahirap man daw ang patong-patong na aktibidad na sinabayan pa ng planong pagbabago sa 1987 Constitution, tiniyak ng opisyal na gagampanan nila ang kanilang mandato.
