Opisyal nga ginlunsar it Commission on Elections (COMELEC) sa Rehiyon 6 ro Kontra Bigay Committee nga magiging permanenteng representante nga magasabat sa pagbakae it boto ag pagbaligya it boto sa rehiyon.
Ro komite hay gintukod base sa mandato it COMELEC Resolution No. 10946 nga nagtukod man it Kontra Bigay Complaint Center ag mga patakaran ag regulasyon may kaangtanan sa diskwalipikasyon it mga kandidato para sa pagbakae it boto sa idaeum it Section 68 it Omnibus Election Code ag pag prosecute it vote buying ag vote selling bilang sangka pag eabag sa election offense sa idaeum it Section 261 (A) it kaparehung Code.
Ro Kontra Bigay Regional Committee hay ginakumponeran it COMELEC, Armed Forces of the Philippines (AFP), Philippine National Police (PNP), Department of Education (DepEd), National Bureau of Investigation (NBI), Regional Prosecutor, ag Parish Pastoral Council for Responsible Voting (PPCRV). // ANN DESLENE SALAZAR
