Maga-release makarun nga adlaw, September 21 ro Department of Social Welfare and Development Field Office VI it kabilugan nga P14,505,000 nga subsidy para sa micro rice retailers.
Ro nasambit nga balor hay dugang sa initial payout.
Suno kay Atty. Carmelo N. Nochete, Regional Director, nalipay imaw nga maabu sanda nga nabubuligan nga mga maintok nga rice retailer para masarangan it mga raya ro presenteng sitwasyun.
Target it nasambit nga balor nga makabulig sa 967 nga registered ag unregistered small rice retailers nga natumod it Department of Trade and Industry.
Ro probisyon it subsidy hay sa idaeum it SLP-ERS (Sustainable Livelihood Program – Economic Relief Subsidy) nga nagatao it P15,000 nga bulig sa mga micro rice retailers. // ANN DESLENE SALAZAR
