Gibutyag ni Dr. Michelle Schlosser, spokesperson sa Davao City Covid-19 Task Force nga natumbok na sa mga contact tracers ang tanang close close contacts ni Mayor Sara Duterte-Carpio.
Bisan pa man niini wala gibutyag kung pila ang close contact apan pipila sa nakahimamat sa alkalde ang napailawum nasab sa swab test.
Una nang gihangyo ang mga indibidwal nga nakahalubilo sa mayor nga magself monitor sulod sa 14 ka adlaw ug mopailawum sa reverse transcript polymerase chain reaction (RT-PCR).
Kahinumduman niadtong Sabado gikumpirma sa mayor nga nataptan siya sa virus apan anaa ra sa maayo ang kondisyon sa iyang panglawas luyo sa nasinati nga mild symptoms.
