Sunod-sunod ang gipahigayong price monitoring activities sa Department of Trade and Industry (DTI) sa Davao Region nunot sa gipalugwang latest set sa suggested retail prices (SRPs).
Gihingusgan sa ahensya nga kinahanglan sundon sa mga negosyante ang gitakda nga SRPs alang sa basic necessities and prime commodities (BNPCs).
Subay sa talaan mokabat na sa 50 ka business establishments ang nabisita sa DTI offices sa Davao City, Davao del Sur, Davao de Norte, Davao Oriental, Davao de Oro, ug Davao Occidental atol sa walo ka price monitoring activities nga gilusad.
Nigawas nga 100% ang compliance sa mga establisyemento bisan pa man nga dunay dyutay nga usbaw gikan sa 3-8% apan gikonsidera pa gihapon kining minimal sa buhatan.
Sumala kang DTI 11 Regional Director Maria Belenda Q. Ambi, boot unta nga ipabilin sa ahensya ang SRP nga giisyu niadtong 2019 apan tungod sa mga konsiderasyon karong panahona, gitugutan ang mga manufacturers, distributors, ug retailers nga mopatong og presyo tungod sa taas nga production cost sa tinguha nga mahimong stable ang suplay sa local market alang sa mga konsumante.
Nasayrang gikan Enero hangtud bulan sa Setyembre karong tuiga moabot na sa 268 price monitoring uh 328 business establishments latas sa rehiyon ang napahigayon ug namonitor sa DTI-XI. BNFM-DAVAO
