Nagpapatuloy pa rin ang clearing operations sa lugar ng Batanes matapos ang paghagupit ng nagdaang Bagyong Leon.
Nakatuon ang operasyon sa paglilinis ng mga kalsada at paghahatid ng supplies mula sa Office of Civil Defense (OCD) kabilang ang mga food packs.
Ayon kay Batanes Governor Marilou Cayco, may sapat na food packs ang mga evacuation centers para sa 186 pamilya ngunit nag-aalala siyang maubos ang natitirang suplay.
Kung kaya’t humingi siya ng tulong mula sa Department of National Defense (DND) para sa air assets na magdadala ng mga pangangailangan.
Pinaalalahanan naman ni Cayco ang mga residente na manatili sa bahay hanggang sa bumuti ang panahon.
