WALAY nahitabong Extra Judicial Killings (EJK) ang GenSan, kini ang gihingusgan ni PCol. Gilberto Tuzon, director sa General Santos City Police Office.
Ang pamahayag ni Tuzon ang dungan pagsaka na sa ihap sa kamatay sa dakbayan gikan atong Enero ning kasamtangang bulan. Matud sa opisyal, ayaw sa gidiling droga ug personal grudge ang nakita nilang motibo sa pagpamusil sa siyudad.
Posibleng ang nag-away away ang naa sa industriya sa iligal nga droga sa GenSan tungod sagad sa napatay ang dunay rekord kalabut niini. Naresolba na usab sa GSCPO ang kaso sa pagpamusil partikular ang personal grudge human gipasakaan og kaso ang namusil.
Una nang, gibutyag ni PLt. Clarizel Perez, tigpamaba sa GSCPO nga naa na sa 41 ang insidente sa pagpamusil asa 22 niini ang naresolba na. Apan sa datus sa Commission on Human Rights (CHR) 12 gikan 2016 hangtud karon nag-una ang GenSan sa listahan sa Extra Legal Killings/ shooting sa Soccsksargen area. ( Richel Gubalani)
