SORSOGON CITY – Hindi puwedeng basta balewalain lamang ang citation ticket na iniisyu ng enforcers ng mga LGU sa mga motorista.
Ito ang binigyang-diin ng provincial chief ng Land Transportation Office (LTO)-Sorsogon na si Grace Rojas.
Paliwanag nito, ang listahan kasi ng mga naiisyuhan ng citation tickets ay isinusumite sa kanilang opisina kung kaya nagkakaroon pa rin ng demerit points ang motorista.
Aniya, ito umano ang dahilan kung bakit kailangan na hindi ipinagsasawalang bahala ng isang motorista kahit simpleng violation lamang.
Dagdag pa ng opisyal na kahit mabayaran pa ng motorista ang ticket, ito ay maererecord sa kaniya at counted pa rin ito bilang violation na posibleng maging dahilan upang hindi maisyuhan ng driver’s license na mayroong 10 year validity.
