Nagpabiling bawal sa syudad sa Davao ang dili importanteng mga tigum sama sa Christmas parties.
Mao kini ang gipabuhagay ni Davao City Mayor Zara Duterte aron sumala pa masiguro nga mamintinar ang pag-ubos sa kaso sa Covid 19.
Ubos sa Alert level 2, wala nalakip ang Christmas parties sa mga gitugutang panagtigum.
Sumala sa Mayor, sa higayon nga mokanaug na sa Alert Level 1 ang syudad, wala pa siya nasayod kon tugutan naba ang mga Christmas parties.
Sa data nga gipagawas gikan sa Department of Health, as of Nobiyembre 21, nakatala ang syudad ug tulo ka bag- ong kaso sa Covid-19 nga nidugang sa kinatibuk- ang ihap sa aktibong kaso nga 302.
Sa padayong pagkunhod sa kaso sa Covid-19 dinhi sa syudad, niingon ang mayor nga andam na ang Davao City kon ugaling ideklara sa national government ang Alert Level 1 dinhi sa dakbayan nga nagpasabot nga mas maluag-luagan pa ang restrictions kun itandi sa Alert Level 2. BNFM-Davao
