Gilusad sa Davao City ang online platform alang sa pag-request og medical assistance ilalum sa Lingap Para sa Mahirap Program nga tumong ug tinguha nga masmapadali ang pagpangayo ug tabang sa Dabawenyos.
Ang si bisan kinsang gustong mo-avail sa Lingap assistance mamahimong i-search ang Lingap Para sa Mahirap sa Facebook pinaagi sa https://www.facebook.com/Lingap-Para-sa-Mahirap.
Sumala ni Vincent Plarisan, Officer-in-Charge sa Lingap Para sa Mahirap Southern Philippines Medical Center (SPMC),ang tanang applications mamahimong isumite sa bag-ong platform nga gibuksan niadtong milabayng semana kung diin dawaton kini sa naka standby nga mga social workers.
Sumala pa, makabintaha niini ang Dabawenyos tungod mas sayon nalang ug dili na sila mahasul sa pag-adto sa opisina gumikan mamahimong diha nalang sila mag transak sa tagsa-tagsa nila ka balay o ospital basta kompleto ang mga dokumento.
Mamahimo usab nga i–upload lang ang ilang phone number diha sa ilang dokumento ug iapil ug send diha sa messenger. BNFM-Davao
