SUBLING mobisita karong adlaw sa Police Regional Office (PRO) 12 sa Barangay Tambler, GenSan si Philippine National Police (PNP) Chief Police General Guillermo Lorenzo Eleazar.
Sa impormasyon gikan sa PRO-12, ipresenta sa kapulisan sa rehiyon ang accomplishments batok sa loose firearms. Lakip ang nakumpiska, nakarekober ug gisurender kanila nga nagkadaiyang matang sa armas gikan sa New People’s Army (NPA).
Ipresenta usab sumala pa kang Eleazar ang mga armas ug mga personalidad nga gikaengong miyembro sa Private Armed Group (PAGs) sa Soccsksargen.
Nakalabay’ng bulan, usa ka gikaengong PAGs ang sa South Cotabato ang nabungkag sa kapulisan. Samtang sa GenSan, nabungkag ang gituohang PAGs ug nakumpiska ang mga armas. Una nang, gimanduan Interior and Local Government (DILG) ang kapulisan nga pakusgan ang kampanya batok sa PAGs. Tumong masiguro nga dili kini magamit sa pipila ka pulitika pagsabwag og kagubot alang sa ilang political o economic interest. ( Richel Gubalani)
